أِسْمْ الشَّاعِرْ وَ أّبْيَاتَهْ ,

هـتـاف · 04-Jul-2009, 09:03 PM

السلام عليكم و رحمه الله و بركاته ..

.. أسم الشـآعر و أبيـآته ..~

فكره الطرح هو أني أقول أسم شـآعر ..-- .. سوري قطعنا جزء من الموضوع وماتقدر تشوف الباقي مثل ماتعرف جهود اعضاء هذي ويستحقون منك الرد على مواضيعهم. إذا أردت التسجيل
, أضغط هنا

الوافية · 04-Jul-2009, 09:23 PM

تسلميلي اختي فكرة حلوة

يابدر خذ وصيـه واعتبرهـا وديعـه
الله اعلم متى يابـوك يـوم الوداعـي
يجري العمر والايـام تجـري سريعـه
سرها قبل رمـي اسهومهـا مايذاعـي
يابـدر نحمـد الله ماعلينـا هزيـعـه
رغم بعض العواصف رافعين الشراعي
نطلـب الله يوفقنـا دروب الشريـعـه
ما ندور على دروب الغوى والضياعي
ونطلب الله يجنبنـا الامـور الشنيعـه
لاتعاوى علينـا ضاريـات السباعـي
يابدر ماجنيتـك مـن بيـوت الدنيعـه
النفوس الضعيفه والقلـوب الوجاعـي
يابدر مركزك بين الحصـون المنيعـه
اخذ منا ومن جـدك حميـد المساعـي
يابدر من يحـاول هزعتـك لاتطيعـه
الجبال الشوامـخ ترفـض الانهزاعـي
ومن قطع رفقتك قله يامـال القطيعـه
يارفيق المذلـه مـال رفقتـك داعـي
وكان بعض الرفاقه جاك منهم وجيعـه
قد يكون الفراق افضل من الاجتماعـي
لاترافـق خبيثيـن النبـا والطبيـعـه
سقط ناس سوالفهم تجيب الصداعـي
يلبسون اقنعه فوق الوجيه الوضيعـه
وعن وجيه الردى لازم يطيح القناعـي
واجد الطيبيـن ولا تضيـق الوسيعـه
دور اهل الوفا واهل الصدور الوساعي
والصديق الصدوق المحتـرم لا تبيعـه
احتفض به وخلـك للمواثيـق راعـي
واحذر الضحكه الصفرا من اهل الخديعه
حلل افكارهم في مختبـر فكـر واعـي
بعضهم يتخذ من كـل حاجـه ذريعـه
يكرهـون البنـا ويفضلـون التداعـي
ولاتضلي خلاف الناس مثـل التبيعـه
كلمة النعم جاهد وانتزعهـا انتزاعـي
لاتأخـر جـوادك خلهـا فالطليـعـه
خذ مكانك مع اهل المجـد والإطلاعـي
المذمه علـى الانـذال ماهـي بديعـه
والمدايح يحصلهـا طويـل الذراعـي
والتزم في حبـال الله بمـا تستطيعـه
من تمسك بدينه جاء بوجهه شعاعـي
والصبر له عواقـب طيبـه لاتضيعـه
قدر الصبر والله معك وامـره مطاعـي
كم صبرنا على بعض الامور الفضيعـه
نعتبرها من التافـه وسقـط المتاعـي
وكم لي اصارع الدنيا بنفـسٍ شجيعـه
واجتهادي يحقق لي نتيجة اصراعـي
اتفاول بخير ودم وجهـي مـا ابيعـه
كل شـيٍ يبـاع الا الحيـا مايباعـي
اعشق العز.. واحب الحيـاه الرفيعـه
واكره الارتخايه وارغـب الارتفاعـي
واتواضع لسمحين الوجيـه النصيعـه
واترفع عن اهل الزيف واهل الخداعـي
يابـدر لاتلفـت للعـقـول الخليـعـه
قدر الراس قـدره لاتحسـب الكراعـي
كم سمحنا وسامحنا خطـات الخميعـه
حشمـة الطيبيـن وقصـرة للنزاعـي
ما عرضنا لحمنا للوحـوش المجيعـه
لو شربنا من الحنضل وسـم الافاعـي
ولن وردنا خصومة حـق والا نزيعـه
عظمنا ما يلين نكيل صاعن بصاعـي

اللي بعدي اسم الشاعر سعدعلوششكرا

التوقيع:

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

هـتـاف · 04-Jul-2009, 09:35 PM

شـٍآكرهٍـ لكمٍ على مرٍوركـٍــم ..
س ٍـلمت أخويٍ فديتك أنا على التثبيـٍت ..

و وانا بصدق كلامكـ واعتنز بالله
وبقول للناس .. مايعنيكـ يعنيني

وانا علي نذر ما أرخص جيتكـ
وانتي نذر على رقبتك انك ماتخلّيني .. !!

اللي بع ٍـدي ..
أبيٍـآت للشـٍآعر نٍـآجي الظفيريٍ ..

الـبـرنـسـيـسـه · 05-Jul-2009, 03:05 PM

قصيدة للشاعر المميز / ناجي الظفيري ..

بعنوااااان / جيتك موااااادع ..

ماجيتك اطلـب منـك تخـون غيـري
ولا جيت ادور في حنايـاك.. مرسـى

ماجيـت ادور فيـك مربـى لطيـري
ولا قلت: تتذكر.. على شـان تنسـى

جيتـك مـوادع قبـل يبـدأ مسيـري
ماودي انهـي حبـي بعيـن خرسـى

انا..ضميري اشتكـى مـن ضميـري
انسى الخطاء.. واليوم مااقـدر انسـى

نسيت من سموه..((ناجي الظفيـري))
قلبً رحوم.. وطاح بقلـوب شرسـى

اجلس على الرمضا..واخلي حصيري
حرام اصب الما علـى قلـوب يبسـى

بحاول امسح صورتـك مـن نظيـري
واحاول اتعلـم مـن الوقـت درسـى

ياحالمه.. مـع ظلـم الايـام طيـري
روحي..وخلي قلـب الاحباب..يقسـى

وارجع..واقول:اودعـك ياصغـيـري
ودموع عيني داخل الجفـن.. حبسـى

ماشفت منـك الحب..شفتـه لغيـري
لا عاطفة ((عبله)) ولا شعر ((خنساء))

اللي بعدي ابيات لــ..الشااعر ..((احمد الصاانع))

G A L A · 06-Jul-2009, 08:06 PM

يسلمك ربي هتوف على الطرح المتميز ^^
البحر لا تامنـه فـي ثورتـه وإلا هـدوّه
دام له قاع وسما والموج له روحه وجيّـة
والرجل وإن مسّته الأوجاع عيب إنه يتأوّه
واجبٍ لازم عليه يقوم له فـي كـل هيّـة
يا سلام الله سلام الوايلي والجمـع تـوّه
والمواقف شامخه والروس تطنخها الحميّة
والعرب في العز كلٍ من حطبه يشب ضوّه
يوم كلٍ يخطب العليـا ونـار العـز حيّـة
صلب جدي وايلة شاكر وكـلٍ لـه علـوّه
والبحور الطامية منّـا والأمـواج العتيّـة
بنتنا بأفعالنـا مـن حقهـا يـوم إتفـوّه
واتهيّـى واتعبّـى للـمـزاح الوايلـيّـة
عزّنا اللي جابلٍ فينا الشجاعـة والحمـوّة
والثبات إلنا لوماشان الدهـر والمقدريّـة
والصبر فينا على حكم الولي أطيب مـروّة
شرع من لايتبع الغاوي ولايرضـى بغيّـه
ياعرب قولوا لأبن حيدر حسين يخيل نوّه
عاد برقه فالسما يلمـع ومداتـه سخيّـة
ماهو أب لعشـرة إلا أبٍ لماوقّـف لقـوّة
حدّها من وادي أملح لين نجـران العذيّـة
غاب مشعل خير من يثني على فعله عدوّه
وخير من يفقده ابيه وخير من يفقده خيّه
غاب حرٍ جامع طيـب الاخـوة والأبـوّه
والصبايـا واللهٍ يبطـن ولاولـدن بزيّـه
منطق الشيخ الحكيم وطيب مبداه وسمـوّه
والكرم والموقف المحمود والنفس الرضيّة
خلق وأخلاق وعلى ناسه وخلانـه حنـوّه
كل عينٍ تحب مقباله وتفرح فـي مجيّـه
غاب مشعل والغياب ولوعته فالصدر جوّه
والعيون تشح بالدمعة ولو ماهـي خليّـه
ودها لاعرّض الشامت وهو يزهى بسـوّه
ينكشح لاحق له يشمت ولايفـرح بسيّـه
والبحر وإن جف من بعده بحور تحل جوّه
والنجم لاغاب ضيه لاح نجـم ورد ضيّـه
يالله اني بإسمك الرحمن اسالـك وأتجـوّه
ترحم وتفسح وتبري العبد من ذنب وخطيّة
بين يدك وكل شي لك مراحه مـع غـدوّه
والعفو شرعك ولادايم سوى رب البريّـة
===

طيب ممكن من اللي بعدي
للشاعر المبدع {فهد الشهراني}..

هـتـاف · 06-Jul-2009, 08:21 PM

الله يسلمك ..
أسعدني مروركم : )

يا خاطري ما يفيد الضيق والحسرة
والحزن قتال لا هبت أعاصيره

لا تحسب اللي جرى لي بالهوى كسرة
الغصن عايش ولو طارت عصافيره

عبدالله البكر

G A L A · 06-Jul-2009, 08:27 PM

وه بس ياحبني لهالابيات

المسافة وضيق الوقت .. وأشواقنا !
.................... والكلام .. ووجيه المقبلين السمر

والسؤال الوحيد اللي من أعماقنا ..
.................... ودي أسأله قبل إن الدقايق تمر

القدر أو ظروفك .. أيهم عاقنا ؟!
.................... قللي إن كان باقي لي بعذقك تمر

حسبي الله على اللي سبب فراقنا
.................... ما رحم وقفة الذل وعيوني الحمر

كل ساعة تعدي تخنق أعناقنا ..
.................... كن حروفي حفاة وأرض وقتي جمر

تدري اليوم .. جالس احسب أوراقنا !
.................... من يصدق تفارقنا بعد هالعمر !!

تذكر آخر لقاء والدمع .. وعناقنا
.................... كيف كان المكان بشوقنا منغمر

خايف إن الزمان اللي قبل ساقنا
.................... للجفا .. يعجبه ما صار ثم يستمر

وإنت روحي وأنا من ليلة فراقنا !
.................... أنتظر في مكاني كل ليلة تمر
امممم طيب
7
7
اذا ماعليك امر

الامير /بدر عبدالمحسن

أم كشه · 06-Jul-2009, 08:34 PM

البـدر

رشاش ... يتساقط على قلب..
هذا عصفورك... وباقي الصدر اعشاش..
ابتل هالعصفور .. ريشه غدا اثقل
وان مرو الاوباش .. أو مرو الاجمل
صادوه وما اسهل... من صيد عصفورك
طير.. وعليه رشاش ..
وبردٍ على الاحراش ..
وفوق الغصن طيرك ..
يشكي من الامطار ..
مري علي مشوار ..
لو جاء احد غيرك ..
دفاه بالاخبار..
ولف الجروح... بشاش
غشاش .. غشاش
وباشعل الغيره في قلبك البارد ..
ماقوى اخونك
ماقوى اخونك .. ماش
انا قلبي عصفورك وباقي الصدر ..اعشاش

.
.

..فهـد المسـآعد ..

ســــاره · 06-Jul-2009, 08:38 PM

صاحب جميل .. وقلبك أجمل .. والأجمل ..
ضــحْـكَـتـْــك يابو ضـحـكـةٍ تــشــبه الــعــيــد
*****
ماأقــول كـامـل .. بــــس قـــرّبــت تـــكــمــل
مانـاقــصــك غــير أحـــــترام الــمــواعـــيــد
* * *
دوّرت بـعـدك حـبـيـب .. وقلت في بالي ..
أحب هـمـي ؟ .. وقـال الـقـلـب : روّ قـنا

قلت أنت وش دخّـلك .. بــ أحب غربالي
أقــلّ حــاجــه .. نـمـوت ومــاتــفــارقــنا
* * *
ماعرفت أرضيك ياعذب اللما
يوم تمدحني .. ويوم تسبّــني

أنت يــ أمّا حبـّـني حـبٌ عـمى
والاّ ريحّـني .. بلاش تحبّـني
* * *
الـدمــع ماهو عـيـب .. رح علـّـم اللي
يـقـــول عــمــره مابـكـى فــي حــياتــه

الـدمـــع مـايـقـطـع صــلاة المصـلـّـي
والضحك مثل أبليس .. يقطع صلاته
* * *
تـدرين لامنـّـك زعـلـتي وش يـصــير ؟
تدرين لامـن صـار خـاطرك مـكـسور ..

تكـّـدس أغصان الشجر بالـعـصــافــير
وكل ماذرفتي دمعه .. يموت عصفور
* * *
19 عــــام .. وبــقــى لك بــعـــد عـــام
ويــصــير عـمــرك مـثـل مـاأنـتي تحبين

عـقـبـال مـاتـمـضـي اللـيـالـي والأيــــام
ويـمــر يـوم ٍ فــيــه اشـوفــك تـقولين : ..

ياشــاعـــري قـــل للـدفـــــاتر والأحـلام
مـرت سـنـه والـيـوم كـمـلت عـــشــرين

قـلـّـي كبرتي .. قـل كبرتي .. من العام ..
وأنا احتريها .. وأنت ساكت لهالحين ؟!

وأقــول هـذي كـلـهـا حـسـبـة أرقــــام
هو للسحابه عمر !
ردي ؟!
وبعدين ..

مـهـمـا تكـبـّـرك اللـيـالـي والأيــــــام
تـبـقـين طـفـلـة قـلـبـي اللـي تـحــبين
* *
يافــديـت اللي اذا جـيـتـه أقـــــــول :
قـــل أحــبــك .. أسـتــحى مــاقــالها

وأن زعلت .. يتمتم بهمس ٍ خجول :
تـطـلـع أحـســن لــو تـجي من حالها

((حامــــــــــــــــــــــــد زيد ))

G A L A · 06-Jul-2009, 08:38 PM

مي هذي مثل طلّ الصبـح لأغصـان الحدايـق
يبتسـم قطـر النـدى لاباسـتـه أو باسـهـا
مي هذي بنت لامن شفت صدر الليل ضايـق ..
أدري ان عيون مـيّ اليـوم طـال نعاسهـا !
من هنا تصحى ويصحى الحب في عيون الخلايق
ومن هنا تغفى وتنسى الارض ضحكـه ناسهـا
يسعد الله قلب ميّ اللي كثـر ماهـوب بايـق ..
..من قلوب الخلق..مااذكر مـرّ يـوم وداسهـا
لأن مي أرق بنت..ولو قسـت ماهـوب لايـق
حيّرتني مي..الأجمل : هـي..والا أحساسهـا !؟
بالها لاضاق زانت..كيف لامن صار رايـق!؟
في انتباهتها براءه..كيـف اجـل هوجاسهـا !؟
العمر لو كـان ضحكـه مـي تكفينـي دقايـق
بس اخاف ان مت..تحني مـي فوقـي راسهـا
مي لـو تبكـي لموتـي مالـي الا افـز فايـق
من قبـل لاامـوت أكثر..مـن نشيـج انفاسهـا
مي .. لاتعطين بال لمن يقـول المـوت عايـق
الجسـد موتـه يفـك الـروح مـن حراسهـا
ماأحبك فـوق الارض وبـس ياكـل الخلايـق
حتى تحت الارض أحبـك يابعـد مـن داسهـا
مي لو ماقلـت فيهـا بيـت واحـد ماتضايـق
لأن مالي شعـر ينشـر لـو رفـض كراسهـا

طيب شعر للشاعر اللي تحبه!__!


قريبــا	قريبــا	قريبــا	قريبــا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

.:: إعلانات الموقع ::.

قآل الله تعالى: { مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ }